دمعة الرجال

حبيب القلب صدقني ,,صعيبـة دمعـة الرجّـال,,!!
إذا دنت غصـب عنـه عقـب فرقـى محبينـه,,!!
عزيزة ,,لانها دمعة وفـا فـي عالـم (ن) يغتـال!!
أحاسيـس الفـرح منـا ويهديـنـا سكاكيـنـه,,!!
يفرقنـا غصـب عنـا ,,ويهدينـا العـذاب اشكـال
مهـو كيفـي ولا كيفـك ولا شـي(ن) تودينـه,,!!
رحلت,, وقلت ابشرحلك شعوري في سطور طـوال!!
قصيدة تشـرح الحالـة بهـا خطـي وتقرينـه,,!!
وكل ما جيت ابكتبها لعب بي هاجس(ن) محتـال,,!!
كتبت سطور لكنـي ابـد مـا شفـت لـه بينـه!!!
غريبه,, جف بيّ عرق القصيد وضاق بي الحـال!!!
وانا الي كنت اغرد بـه وأكيلـه مـن موازينـه,,!!
ولكن ليلـة البـارح ,, قصيـدي حطـم الاغـلال!!
وسامرني وانا وحدي اشيـل الصـوت واعينـه,,!!
حبيبي,, صاحت حروفي في ليل من الوله قتـال,,!!
سهرته لين مل مني وانـا الـي مـن مساجينـه,,!!
سهرته ,,لين ذوبني وأخيـراً لـد لـي باقبـال,,!!
وفجر في وسـط قلبـي مـن احزانـك براكينـه,,!!
وقلت اكتب عن شعوري بيوت من الشعـر تختـال!!
تجيلك توصف احساس(ن) وأكيد انـك تعرفينـه,,!!
بيوت(ن) مقصـدي منهـا اواسـي قلبـك المغتـال
لانـي داري بحالـك وكـل الــي تعانيـنـه,,,!!!
فديتك لا تشيل الهم,, مـادام ان الوصـال محـال!!
مهو بيدك ولا بيدي ظـروف الوقـت وسنينـه,,!!
حبيبي هي كذا الدنيا ,,غريبـة كـل يـوم بحـال!!
أحد تضحك له بقوه !! وأحد تذرف دمـع عينـه,,!!
بسامح صدك القاسي لانـي مـن بقايـا رجـال,,!!
أصـون العـرض والمنهـج وذا طبعـي تعرفيـنـه
وأسافر بالألم وحـدي,,, ولـو الحمـل مـا ينشـال
وأضحي بأجمل أحلامـي ولا هـم(ن) تقاسينـه,,!!
ولكـن قبـل ذا كلـه ,,,حقيقـة منزلـك لازال,,!!
بوسـط القلـب متربـع يغـذي كـل شرايينـه,,!!
ومنك ما بدا لحظة زعلت وخاطـري قـد شـال,,!!
لأنـي أدري بظرفـك قريتـه مـن عناويـنـه,,!!!
انا رجل(ن) تقيدنـي علـوم المرجلـة وافعـال,,!!
يقـدر موقـف الحـرة ,, ولا يتبـع شياطينـه,,!!
رحلت بصمت ما ودي احايل للفـرص واحتـال ,,!!
وقلـت الله يسهلـك خطـى درب(ن) بتمشينـه,,!!
عسى رب العبـاد الـي رساهـا لجلنـا بجبـال!!!
يمـدك بالصبـر لنـي أحـس الـي تحسيـنـه,,!!
واذا انه راد يا عمري ,, بيـده يحيـي الآمـال,,!!
عسى الي حـل فـي بالـك بتوفيقـه تنولينـه,,!!
الا ياليت واقعنا ,,, ولـد عمـه وبنـت الخـال,,!!
لانولك غصـب واهديلـك جميـع الـي تمنينـه!!!
حبيبي بختـم اقوالـي وأبقهـر باقـي العـذال,,,!!
ولا منـك قريتـي الخـط امانـه لا تعيديـنـه,,!!
واصيح بصوتي العالي (احبك) يا سعيـد الفـال ,,!!
احبك حـب مـا ضنـي مـع غيـري تعيشينـه,,!!
أحبك حب فنـان(ن) لصـوت النـاي والمـوال,,,!!
إذا لامـس دفـى قلبـه تغنـى مـن تلاحينـه,,!!!
وأحبك حب فلاح(ن) لغصنه لـو دنـا او مـال ,,!!
بحبـات الثمـار الـي اتمايـل فـي بساتيـنـه,,!!
وأحبك حب رحال(ن) تعب يطرد سـراب الـلال,,!!
الا منـه لفـى واحـه ونـوخ كـل بعاريـنـه,,!!
واحبك حب قصاد(ن) لفكرة لا طرت فـي الحـال,,!!
نزفهـا حبـر مـن دمـه وسكّنهـا دوواوينـه,,!!
واحبك حب صقار(ن) لطيره لـو جناحـه سـال,,!!
يبات الليـل متنكـد سهيـر بهـم يـا شينـه,,!!!
وأحبك حب هامور(ن) لسوق المـال والاعمـال,,!!
يراقب شاشـة الاسهـم ويجمـع فـي ملايينـه,,!!
وأحبك حب بـدوي(ي) لشـد العـزم والترحـال,,!!
اذا قـل المطـر بأرضـه توكـل ربـه يعيـنـه,,!!
وأحبك حب عصفور(ن) لغصن مـن الشجـر ميـال
الامنـه رقـى فوقـه يـشـق الصـبـح تلحيـنـه
وأحبك مثلما تاجـر يشوفـك انـت رأس المـال,,!!
يدافع عنك ويشوفك حـلال(ن) صعـب تثمينـه,,!!
وأحبك مثلما شيخ(ن) طعن صدر البخـل بـذال,,!!
لفزعات الكريـم الـي جبـر عثـرات ملفينـه,,!!
وأحبك حب حب ما يشرح,, ولا يكتب ,,ولا ينقال,,!!
شعور(ن) فوق حد الوصـف بانفاسـك تغذينـه,,!!
عشاني هدي اعصابك,,, ترى ما يذبح الرجّـال,,!!
ما كود انه يشوف الي يحبـه هـل مـن عينـه,,!!
دموع(ن) في مرارتها تشابه دمعـه الـي سـال,,!!
إذا دنت غصب عنـه عقـب فرقـى محبينـه,,!!!