كوكتيــل ][ أكلآت ][

مرحــــــــــــــــــبا

My Favorite Salad

سلــــطة الفيـــــتا

سلطة الروبيان

باذنجان بالريكوتا

مصقعه

Beef Stroganoff

صينية اللحم بالبرتقـــــال

Banana Mascarpone flowers

My Favorite Salad

ووووولا اروع و احلى منها

كوكتيــل ][ أكلآت ][ B0mvo96t8

مقاديرها اللي انا استخدمها : بروكلي و زهره و فاصوليا مسلوقين + ذره و فاصوليا حمراء العلب الجاهزه + خس +
جزر مبشور + فطر + فلفل حار + زيتون + جبنة ( مرات استخدم تشيدر السلايس و مرات قودا ) المهم نقطعها على
السلطه
نصب عليهم شوي من صوص الثوم + صوص الرانش
نرش على الوجه جبنة بارميزان
ساعات اضيف لها شرايح الدجاج الجاهزه او روبيان
مرات مايكون عندي رانش ... فاستخدم خلطه عباره عن ( مايونيز + سور كريم + خردل + زيت زيتون )

**********

سلــــطة الفـــــيتا
كوكتيــل ][ أكلآت ][ 21245386124

خس + خيار + بصل ابيض + طماط + زيتون + قرن فلفل حار ( حسب الرغبه )
نقطعها و نحطها في صحن التقديم
الصوص : زبادي + كتشب + ثاوزند ايلاند + اوريجاااااانو
( شخصيا اضيف زيت زيتون و شطه )
نصب الصوص عليها و على الوجه نقطع الفيتا لمكعبات

**********

سلطة الروبيـــــان

كوكتيــل ][ أكلآت ][ 11245401170

على بالي اني مكتشفه الصوص تبعها ... طلع معرووووف من سنة جدي

روبيان ( لو بتستخدمون طازج اسلقوه اول اما لو مجمد على طول نغسله و نستخدمه )
نذوب زبده و نشوح فيها ثوم مقطع شرايح و بقدونس طازج
نضيف عليهم الروبيان و نحركهم لحد مايتغير لونه و ياخذ النكهه و نطفي عليه
في صحن التقديم نحط الخس و الروبيان و الصوص اللي عباره عن :
3 ملاعق اكل مايونيز + ملعقة اكل كتشب + شطه
( كل 3 ملاعق مايونيز يقابلها ملعقة كتشب )

**********

باذنجـــان بالريكوتا

كوكتيــل ][ أكلآت ][ 11245385977

باذنجان مقطع الى شرايح و مقلي
الحشوه : علبة جبنة ريكوتا نخلطها مع بقدونس + 2 بيض + صنوبر + موزاريلا + بارميزان + شوي بقدونس و نعناع
نحشي الباذنجان و نرصه بصينية .... و نبدأ بعمل الخلطه :
في قدر نحمي زيت و نحط بصله مقطعه شرايح و نخليها تذبل و نضيف الثوم و الطماط و الماجي و نحركهم سوى
نضيف عليهم دبس رمان و خل بلسمك و اوريجانو و بهارات ايطاليه ... و نخليهم لحد ما يتكاثف الخليط
نصبه على الباذنجان و نرش الوجه بالجبنه و ندخله فرن حار تقريبا 20 دقيقه

**********

مصقعه

كوكتيــل ][ أكلآت ][ 11245386124

طبعا باذنجان و بطاطس مقليين
في قدر نحمي زيت و نضيف حبة بصل مقطعه لشرايح و نكرملها و نضيف 4 فصوص ثوم مهروسه
نضيف اللحم المفروم و عليهم نحط كمون + بهارات مشكله + كزبره ناشفه + مكعب ماجي + بقدونس مفروم
نحركهم على نار وسط و نغطي القدر لحد ماتطلع اللحمه مويتها ... نفتح عليها و نضيف لهم ملعقتين اكل سكر و و مثلهم وورشستر صوص
( الوورشستر صوص مره ممتاز مع اللحوم الحمراء و يعطيها طعم لذيذ و عشان كيذا دايم استخده )
اخيرا ... نضبط الملح
في صينيه نرص بطاطس + باذنجان + مفروم + شرايح طماط + زهره
و هكذا لحد ماتنتهي مع مراعاة ان آخر شي يكون مفروم .... على الوجه نرص شرايح بصل و فلفل اخضر حار و بارد و طماط
نقصدرها و ندخلها فرن حار تقريبا 20 دقيقه

**********
صينية اللحم بالبرتــــقال

كوكتيــل ][ أكلآت ][ B7yqn6r3p

في الخلاط نخلط ( حبة بصله + عصير نص برتقاله + بشر برتقاله كامله + ربع ملعقه صغيره زعفران +
ملعقة اكل دبس رمان + ملعقتين اكل وورشستر صوص + ملعقة اكل خردل + كزبره طازجه + ورق غار +
3 فصوص ثوم +قرن فلفل حار+ عصير نص ليمونه + ملعقه صغيره من كلا من ( كمون + كزبره ناشفه )

* الوصفه الأصليه مافيها التالي : كمون ,, كزبره ناشفه ,, وورشستر صوص
و بدل الكزبره الطازجه تم استخدام الشبت
نتبل اللحم بالخلطه و نحط معاهم بصل و جزر و فطر و فلفل بارد
في صينية الفرن نحط شرايح بطاطس و خليط اللحم و نقصدرهم و ندخله فرن حار ( 350ف ) لحد مايستوي و نحمره قبل التقديم...

**********

Beef Stroganoff

كوكتيــل ][ أكلآت ][ 01245386124

نحمي زيت و نضيف له بصله مقطعه الى شرايح
نخليها تذبل و نضيف 4 فصوص ثوم مهروسه
نضيف شرايح لحم بقر ( استخدمت كيلو ) و نحركها لحد مايتغير لونها ثم نضيف الفطر و نحركه لحد مايذبل
نشيل الخليط و نخليه على جنب ... و في نفس الصاج نحط شوي زبده و 3 ملاعق نشا و ملعقة صلصه و نحركهم
نصب عليهم كاس و ربع من مرق اللحم ( اذا مو متوفر نستخدم مويه عاديه ) و نحركهم لحد مايثقل المزيج
نرجع اللحم في الصاج و نضيف كاس سور كريم و نقلبهم..

**********

Banana Mascarpone flowers

كوكتيــل ][ أكلآت ][ 01245401170

80 جرام طحين الكيك
65 جرام سكر
صفار 3 بيضات
بياض 4 بيضات
60 مل مويه
ملعقتين اكل زيت
ملعقة اكل فانيلا

مقادير الكريمه :
150 جرام ماسكربوني
150 مل كريمة خفق
40 جرام سكر
ملعقتين اكل حليب
موز

اول شي نبدأ بعمل الكيك : ننخل الطحين و نتركه على جنب
نخلط الصفار مع نص كمية السكر و نضيف الماء و الزيت و الفانيلا و نكمل خفق
نضيف الطحين عليهم و نحركهم بالملعقه حتى يتجانسوا
نخفق البياض مع المتبقي من السكر و نضيفه للخليط الأول و نمزجهم بالملعقه
نصب الخليط في صينيه مدهونه و ندخله فرن حار ( 350ف) مدة ربع ساعه او حتى تصير ذهبيه
نطلعها و نتركها تبرد

عمل الكريمه : نخفق الماسكربوني حتى تلين
نضيف عليها السكر و الحليب و نكمل خفق
في وعاء منفصل نخفق الكريمه حتى تتضاعف .. ثم نضيفها للماسكربوني و نحركهم سوى

الآن نقطع الكيكه على الشكل اللي نبيه و نحط طبقة كريمه ثم موز ثم كريمه و اخيرا شريحة الكيك
و ترش بالكاكاو باودر ( اللي مافيها سكر ) و سكر البودره

يسلموو اخوي على المجهوود الكبير
لك خالص الشكر

ويمي يمي اكلات تشهي وربي

يعطيك الع ـافيهـ

مشكورويعطيك العافيه
مجهودتشكر عليه

الله يسلمك اخت خفايا وشكرا على المرور

الله يعافيك اخت بقايا وشكرا على المرور